Afsláttur á Secret Solstice

Nú býðst handhöfum Menningarkortsins 20% afslátt af miðaverði á tónlistarhátíðina Secret Solstice sem haldin verður í Laugardalnum þann 20-22. júní nk. Hátíðin var meðal annars valin af Times Magazine sem ein af 15 mest spennandi tónlistarhátíðum ársins 2014. Ekki missa af þessu frábæra tækifæri til að sjá nöfn eins og Massive Attack, Woolkid, Disclosure og Banks auk 150+ atriða á hátíðinni. Miðasala er í Lucky Records Rauðarastíg 10, og fæst afsláttur fyrir tvo passa gegn framvísun kortsins. 

 

 

 

 

 

 

 

 

 

 

 

 

 

 

 

 

Við minnum á að handhafar Menningarkortsins fá 20% afslátt af miðaverði á Listahátíð í Reykjavík. Um að gera að nýta sér þetta frábæra tilboð. Til að nýta afsláttinn þarf að hafa samband við skrifstofu Listahátíðar í síma 561 2444 eða sendið tölvupóst á artfest@artfest.is

 

 

 

 

 

 

 

 

Afsláttur á Listahátíð í Reykjavík

Listahátíð í Reykjavík býður 20% afslátt til handhafa Menningarkortsins ef miðar eru keyptir í gegnum skrifstofu Listahátíðar. Hringið í síma 561 2444 eða sendið tölvupóst á artfest@artfest.is til þess að nýta afsláttinn. Dagskrá Listahátíðar í Reykjavík má finna á síðu hátíðarinnar

 

 

 

 

 

 

 

 

Vinamánuður á Landnámssýninguna - Reykjavík 871±2. 

Í apríl er vinamánuður á Landnámssýninguna - Reykjavík 871±2 - The Settlement Exhibition

Reykjavík 871 var nýverið opnuð aftur eftir uppfærslu á sýningunni en bætt var við upplýsingum úr fornleifarannsókn sem stóð yfir á árunum 2008 til 2012 á hinu svokallaða Alþingisreit, á horni Tjarnargötu og Vonarstrætis. 

Niðurstöður úr þeirri rannsókn varpa nýju og skýrara ljósi á landnámstímabilið í Reykjavík. 

Tilvalið að gera sér glaðan dag bjóða vini eða vinkonu á þessa glæsilegu sýningu og fá sér að borða ljúfengan mat á Mar í hádeginu.

 

 

 

 

 

 

 

 

Tilboð á veitingahúsinu Mar

Veitingahúsið Mar á Geirsgötu 9 bíður handhöfum Menningarkorts Reykjavíkur 15% afslátt af matseðli. Þar að auki mun Mar bjóða handhöfum kortsins 2 fyrir 1 af hádegisverðamatseðli allan apríl.

Humarsúpa - Mar restaurant

 

 

 

 

 

 

 

Tískusýning í Hafnarhúsinu

Hildur Yeoman heldur tískusýningu í Hafnarhúsinu föstudaginn 28. mars kl. 21 í tengslum við Hönnunarmars. Um er að ræða frumsýningu á nýjustu fatalínu Hildar en línan ber nafnið Yulia. Hildur Yeoman er einn af helstu hönnuðum landsins en skartgripir og ævintýralegar tískuteikningar hennar hafa notið mikilla vinsælda og fengið verðskuldaða athygli hér á landi og erlendis. Grunnþema sýningarinnar er frelsi einstaklingsins og höfnun á hinum borgaralegu lífsgildum.
Hægt verður að skoða Yulia línuna í Hafnarhúsinu um helgina

.Hildur Yeoman

 

 

 

 

 

 

 

 

Taktu þátt í Listagátu RÚV 

RÚV og Listasafn Reykjavíkur halda á næstu vikum úti Listagátu RÚV á vefnum ruv.is. Í listagátunni er leitað svara um listaverk í eigu Listasafns Reykjavíkur. Í hverri viku er birt mynd af verki ásamt léttri spurningu. Þátttakendur finna rétt svör á vefnum safneign.listasafnreykjavikur.is.
Dregið verður úr réttum svörum á mánudagsmorgnum í þættinum Virkir morgnar á Rás 2. Vinningshafar fá tvö Menningarkort Reykjavíkurborgar í verðlaun en kortin veita frían aðgang að söfnum Reykjavíkurborgar í eitt ár auk annarra fríðinda. Dregið verður úr öllum réttum svörum að loknum tíu vikum og fær vinningshafinn grafíkverk eftir Erró í verðlaun. 

Vefsíðan safneign.listasafnreykjavikur.is fór í loftið í nóvember á síðasta ári en þar er  hægt að nálgast myndir og upplýsingar um tæplega níu þúsund verk eftir íslenska listamenn frá aldamótunum 1900 til ársins 2013. Þar er jafnframt hægt að skoða götukort með upplýsingum um útilistaverk í Reykjavík. Þá hafa listfræðingar skrifað fróðleik um valin verk á síðunni. 

Safneign.listasafnreykjavikur.is auðveldar aðgengi að íslenskri myndlist og er ætlað að auka áhuga á þessum mikilvæga menningararfi þjóðarinnar. Vefsíðan býður jafnframt upp á nýja möguleika til að njóta myndlistar og fræðast um íslenska listasögu. 
Listasafn Reykjavíkur er stærsta listasafn landsins en safneignin telur alls um sautján þúsund verk og samanstendur af almennri listaverkaeign eftir fjölda innlendra og erlendra listamanna, Errósafni, Kjarvalssafni og Ásmundarsafni. Þessi söfn hafa ýmist orðið til fyrir stórmannlegar gjafir listamanna og einstaklinga eða kaup á listaverkum. Öll verk eftir íslenska listamenn fyrir utan hluta af teikningum eru nú til sýnis á nýju vefsíðunni.  

 

 

Fréttabréf marsmánaðar

Smellið hér til að lesa Fréttabréf marsmánaðar 

Menningarkortið er á Facebook. Um að gera að líka við síðuna, deila henni með vinum og fylgjast með því sem er á döfinni. 

 

 

 

 

 

 

 

25% afsláttur í Bíó Paradís

Bíó Paradís bíður nú handhöfum Menningarkortsins 25% fastan afslátt af almennu miðaverði. Þetta eru sannkallaðar gleðifréttir fyrir handhafa kortsins enda dagskrá Bíó Paradís gríðarlega metnaðarfull í alla staði. Hér má sjá brot af dagskránni næstu daga. 

 

 

 

15% afsláttur af Menningarkorti Reykjavíkur
20. og 21. febrúar

Fjölbreytt dagskrá fyrir alla fjölskylduna verður í boði hjá frístundamiðstöðvum og menningarstofnunum borgarinnar í vetrarfríi grunnskólanna 20. og 21. febrúar, og af því tilefni verða Menningarkort Reykjavíkur seld með 15% afslætti þessa daga. 

Dagskrá menningarstofnanna í Vetrarfríinu má finna á síðu Reykjavíkur.

 

Börn í frístundastarfi

 

 

 

 

 

 

 

2 fyrir 1 í Hafnarhús, Ásmundarsafn og Landnámssýninguna


Senn koma jólin og Reykjavík tekur á sig heillandi svip með iðandi mannlífi og einstakri stemningu. Fjöldi gesta í miðborg Reykjavíkur er mikill í desember, enda margt að sjá og sýsla. Að því tilefni er tilboð fyrir Menningarkortshafa, 2 fyrir 1 í Hafnarhúsi, Ásmundarsafn og á Landnámssýningunni. Auk þess sem sérstök tilboð eru á ýmsum vörum í safnverslunum, og tilvalið að finna listfenga jólagjöf á góðu verði.

 

 

 

 

 

 

 

 

 

 

 

 

 

 

 

 

 

 

 

 

Í nóvember er vinamánuður á Kjarvalsstöðum sem þýðir að þá geta Menningakorthafar boðið með sér vini á safnið. Á Kjarvalsstöðum eru tvær glæsilegar sýningar í gangi en þar er stór yfirlitsssýning á ljósmyndum rússneska listamannsins Alexanders Rodchenko. Hann var einn áhrifamesti listamaður Rússlands á fyrri hluta síðustu aldar. Kjarval bankanna er jafnframt á Kjarvalsstöðum en þar eru til sýnis verk eftir meistarann í eigu íslensku bankanna.
 
Tveir fyrir einn af súpu og brauði á Kaffi kompaníinu á Kjarvalsstöðum

Kaffi Kompaníið býður Menningarkorthöfum upp á tveir fyrir einn tilboð af ljúffengum súpum og brauði í nóvember. Nóvember er því tilvalinn mánuður fyrir korthafa til að njóta hvort í senn lista og lystisemda á Kjarvalsstöðum.

 

 

 

 

 

 

 

-


 

 

 

 

Í október býðst Menningarkortshöfum 2 fyrir 1 af aðgöngumiðum í Bíó Paradís alla daga vikunnar. 
Það er ýmislegt á döfinni í Bíó Paradís í október, og munu þessar myndir verða frumsýndar: 
 
11. október
Camille Claudel 1915
Aska
 
18. október
T
 
25. október
Vi är bäst
 
Einnig býður Bíó Paradís við upp á rúmenskar kvikmyndasýningar, en dagskráin er hluti af rúmenskum menningardögum í Reykjavík 10. – 12. október. Á kvikmyndasýningum rúmenskra menningardaga mun kenna ýmissa grasa, m.a. verður boðið upp á hnyttnar gamanmyndir, strórbrotnar dramamyndir, alþjóðlega frumsýningu og sérstaka heimsókn hins þekkta leikstjóra Stere Gulea, en á dagskrá verða þær myndir sem mesta athygli hafa vakið frá Rúmeníu 

Frekari upplýsingar um viðburði og dagskrá í Bíó Paradís má finna á vefsíðunni bioparadis.is

 

----------------------------------------------

 

 

 

 

 

 

 

 

2 fyrir 1 í Viðey í september

Menningarkortshöfum býðst 2 fyrir 1 tilboð í Viðeyjarferjuna í september og geta þannig boðið einum vini með sér í ævintýraferð út í Viðey.  Siglt er samkvæmt sumaráætlun á hverjum degi til 30. september og upplagt fyrir alla sem vilja njóta haustsins í fallegri náttúru að bregða sér yfir sundið.

Viðeyjarstofa er til­val­inn staður til að koma saman og njóta veit­inga í rólegu og not­a­legu umhverfi. Þar er rekið kaffi­hús og veit­inga­staður í tengslum við sigl­ingar Viðeyjarferjunnar.

Viðeyjarstofa býður 2 fyrir 1 tilboð af rjúkandi kaffibolla til menningarkortshafa í september.


Til Viðeyjar frá Skarfabakka daglega

11:15, 12:15, 13:15, 14:15, 15:15, 16:15, 17:15

Til Viðeyjar frá Gömlu höfninni (í miðborginni) daglega

12:00

Frá Viðey til Skarfabakka daglega

12:30, 13:35, 14:30, 15:30, 16:30, 17:30, 18:30

Frá Viðey til Gömlu hafnarinnar (í miðborginni) daglega

15:30

 
Frekari upplýsingar um viðburði og dagskrá í Viðey má finna á vefsíðunni www.videy.com

----------------------------------------------


Hafnarhúsið Vinatilboð menningarkort

 

 

 

 

 

 

 

2 fyrir 1 í Hafnarhúsið í ágúst

Vinatilboð í Hafnarhúsið

Menningarkorthöfum býðst í ágúst vinatilboð í Hafnarhúsið sem þýðir að þeir geta boðið einum vini frítt með sér inn á safnið. Alls eru fimm sýningar í Hafnarhúsinu í sumar þar sem  fjölbreytnin er allsráðandi. Þetta eru tvær sýningar á verkum Erró, yfirlitssýning á verkum Magnúsar Pálssonar, Kaflaskipti þeirra Andreu Maack og Hugins Þórs Arasonar og innsetning Theresu Himmer í lyftu hússins. Við hvetjum menningarkorthafa að koma með vin í heimsókn á safnið í ágúst og njóta sýninganna.

Tilboð á veitingum

Kaffi Kompaníið býður upp á ljúffengar veitingar í Hafnarhúsinu í fallegu umhverfi. Veitingastaðurinn veitir Menningarkortshöfum 2 fyrir 1 tilboð af súpu til kl. 14:00 á daginn allan ágúst. Það er því kjörið fyrir korthafa að slá tvær flugur í einu höggi í heimsókninni, að njóta lista og lystisemda í senn.

----------------------------------------------

 

 

 

 

 

 

 

 

 

 

2 fyrir 1 á Kjarvalsstaði í júlí

Vinatilboð á Kjarvalsstaði
Sumarsýning Kjarvalsstaða er glæsileg yfirlitssýning á yfir 200 verkum frá 1900-1950 eftir helstu listamenn tímabilsins. Sýningin nefnist Íslensk myndlist 1900-1950:Frá landslagi til abstraktlistar en þar er að finna margar af helstu perlum íslensku myndlistarsögunnar. Menningarkortshöfum býðst nú vinatilboð á Kjarvalsstaði í júlí sem þýðir að þeir geta boðið einum vini frítt með sér inn á safnið.


Tilboð á veitingum
Kaffi Kompaníið býður upp á ljúffengar veitingar á Kjarvalsstöðum í fallegu umhverfi. Veitingarstaðurinn veitir Menningarkortshöfum 2 fyrir 1 tilboð af súpu til kl. 14 á daginn allan júlí. Það er því kjörið fyrir korthafa að slá tvær flugur í einu höggi í heimsókninni, að njóta lista og lystisemda í senn.

----------------------------------------------

 

 

 

 

 

 

 

 

2 fyrir 1 á Árbæjarsafn í júní

Sumarið er tíminn á Árbæjarsafni og nú þegar sumarið er loks komið er við hæfi að Menningarkortshöfum bjóðist að taka með sér gest á safnið allan júnímánuð. Það er margt að sjá á Árbæjarsafni og því er um að gera að koma þangað oft - og dvelja lengi. 

Sýningar og dagskrá
Í sumar er boðið upp á nokkrar nýjar sýningar á Árbæjarsafni, til að mynda í tengslum við aldarafmæli Heimilisiðnaðarfélags Íslands. Þá er fjölbreytt dagskrá í boði alla sunnudaga og markmiðið er að flestir finni eitthvað við sitt hæfi. Í því sambandi má nefna Handverksdag Heimilisiðnaðarfélagsins, Fornbíladaginn, Harmonikkuhátíð og fleira. Nánari upplýsingar má finna á www.minjasafnreykjavikur.is og auðvitað á síðu Árbæjarsafns á Facebook. 


Tilboð á veitingum
Venju samkvæmt býður Dillonshús upp á ljúffengar veitingar á Árbæjarsafni og mun veita Menningarkortshöfum 15% afslátt af veitingum í júní gegn framvísun menningarkorts. Það er því kjörið fyrir korthafa að setjast niður í huggulegu umhverfi Dillonshúss og njóta veitinga.

----------------------------------------------

 

 

 

2 fyrir 1 í Bíó Paradís á mánudögum í apríl

Bíó Paradís býður Menningarkorthöfum 2 fyrir 1 í bíó á mánudögum í apríl.  Bíó Paradís sýnir nýjar áhugaverðar kvikmyndir frá öllum heimshornum, hýsir kvikmyndahátíðir og stendur fyrir fjölbreyttum kvikmyndatengdum viðburðum. Í húsinu fara reglulega fram sýningar á perlum kvikmyndanna fyrir börn og unglinga, þar sem markmiðið er að efla þekkingu og menntun á þessari mikilvægu listgrein.
Í Bíó Paradís er einnig að finna veitingahús og verslun með mynddiska og annan kvikmyndatengdan varning.

Bíó Paradís er því nokkurskonar hjarta kvikmyndamenningar í landinu og er áfangastaður allra þeirra sem vilja eiga góðar stundir í afslöppuðu umhverfi sem angar af andrúmslofti kvikmyndanna.
 

Hér er er að finna tengil á dagskránna í Bíó Paradís.

----------------------------------------------
 

Vinatilboð í Ásmundarsafni allan marsmánuð

Listasafn Reykjavíkur býður öllum Menningarkorthöfum að taka með sér gest í Ásmundarsafn allan marsmánuð.
 
Listasafn Reykjavíkur stendur fyrir dagskrá og kynningu á Ásmundi Sveinssyni myndhöggvara (1893-1982) í tilefni af því að í ár eru 120 ár frá fæðingu hans. Leiknir og lærðir koma að dagskránni sem hefst í Ásmundarsafni sunnudaginn 3. mars kl. 14.  Dagskráin er í umsjón Þorgríms Gestssonar rithöfundar í samstarfi við Ásmundarsafn.

Heildardagskrá:
„Hver var þessi Ásmundur ?“

Sunnudag 3. mars kl. 14
Þorgrímur Gestsson skoðar feril listamannsins og leitast við að draga upp mynd af honum og list hans.
Arkitektinn Ásmundur Sveinsson.

Sunnudag 7. apríl kl. 14
Pétur Ármannsson arkitekt fjallar um þau hús við Freyjugötu og Sigtún sem Ásmundur reisti að mestu með eigin höndum og standa nú og bera hagleik og dugnaði hans vitni.
Konurnar í verkum Ásmundar

Sunnudag 5. maí kl. 14
Myndlistarkonan Guðrún Erla Geirsdóttir (GERLA) bregður upp mynd af jafnréttissinnanum Ásmundi og ræðir um konurnar í verkum hans.
Útilistaverk Ásmundar Sveinssonar

Sunnudag 2. júní kl. 14
Þorbjörg Gunnarsdóttir listfræðingur ræðir um afstöðu Ásmundar til listar í almenningsrými. Gengið verður um höggmyndagarðinn við Ásmundarsafn ásamt því að fara vítt og breitt um borgina þar sem verk Ásmundar finnast.
 
Kynnið ykkur dagskrá og opnunartíma safnanna á heimasíðum Listasafns Reykjavíkur, Minjasafns Reykjavíkur og Ljósmyndasafns Reykjavíkur.



----------------------------------------------

 

Endurnýjun Menningarkorts

Handhafar Menningarkorts Reykjavíkur fá 1.000 króna afslátt ef kortið er endurnýjað innan mánaðar frá því það rann út.

Handhafar rauða Menningarkorts Listasafns Reykjavíkur  (Hafnarhús, Kjarvalsstaðir og Ásmundasafn) og græna Menningarkorts Minjasafns Reykjavíkur  (Árbæjarsafn og Landnámssýning)  geta líka nýtt sér þetta tilboð ef þeir vilja skipta yfir í  blátt Menningarkort Reykjavíkur.

Menningarkortið bláa er á 5.500  krónur - en bara 4.500 fyrir þig ef þú nýtir þér tilboðið. Menningarkortið er ekki lengi að borga sig því bókasafnsskírteini kostar nú kr. 1.700 og ein heimsókn á Listasafn Reykjavíkur eða Minjasafn kr. 1.200.

 

Hægt er að endurnýja kortið á  öllum þessum sölustöðum :

Listasafn Reykjavíkur: Hafnarhús, Kjarvalsstaðir, Ásmundarsafn
Minjasafn Reykjavíkur: Árbæjarsafn, Landnámssýning             
Borgarbókasafn Reykjavíkur: Aðalsafn, Kringlusafn, Sólheimasafn, Gerðubergssafn, Foldasafn og Ársafn

 

Jafnframt er unnt að hringja í síma 590-1200 og greiða með kreditkorti.

Þá er líka hægt að millifæra úr heimabanka: á reikning 0101-26-54729 kennitala 470987-1979. Vinsamlegast setjið skýringuna „Menningarkort"  ásamt kennitölu korthafa og sendið staðfestingu á netfangið heidrun.adalsteinsdottir@reykjavik.is

 

----------------------------------------------

10 jóla- og tækifæriskort á verði 5 og vinatilboð á Kjarvalsstaði og Landnámssýningu

 
Listasafn Reykjavíkur, Minjasafn Reykjavíkur og Ljósmyndasafn Reykjavíkur bjóða öllum Menningarkortshöfum tíu kort á verði fimm úr völdum kortum úr safnverslunum allan desember.
 
Um er að ræða fjölbreytt úrval korta sem hægt er að nota sem tækifæris- eða jólakort.
 
Einnig bjóða söfnin Menningarkortshöfum að taka með sér gest allan desember á Kjarvalsstaði og á Landnámssýninguna við Aðalstræti.
 
Í tilefni af vinavikunni býður hinn frábæri veitingastaður Kaffi kompaníið upp á tilboð fyrir alla Menningarkortshafa á gómsætum og hollum hádegisverði á Kjarvalsstöðum, súpa og brauð á tilboði 2 fyrir 1.
 

----------------------------------------------

Listileg og góð gjöf

Menningarkort Reykjavíkur eru listileg og góð jólagjöf en það veitir aðgang að listasöfnum borgarinnar og að Borgarbókasafninu í heilt ár auk 200 annarra viðburða. Menningarkort Reykjavíkur er tilvalin jólagjöf handa þeim sem vilja sækja sér metnaðarfulla og innihaldsríka upplifun allan ársins hring!

Kortið er tilvalið í jólagjafir fyrirtækja til starfsmanna sinna. Boðið er upp á magnafslátt sem hér segir:  

Fjöldi % Afsláttur Heildarverð
10 - 99 kort 10% 500 kr. 5000 kr.
100 - 299 kort 20% 1000 kr. 4500 kr.
300 eða fleiri 30% 1500 kr. 4000 kr.

Frekari upplýsingar og pantanir á menningakort@reykjavik.is

----------------------------------------------


Afsláttur fyrir menningarkortshafa á leikhúskortum Borgarleikhússins

Haustið er framundan með öllu sínum menningarframboði og verður mikið um að vera á menningarstofnunum borgarinnar í vetur. Eins og fyrr býðst handhöfum menningarkorta að kaupa árskort í Borgarleikhúsið með 1000 króna afslætti. Jafnframt er nú boðið upp á þá nýjung að öllum korthöfum Borgarleikhússins býðst að kaupa menningarkort með 10% afslætti og er þá kortið á kr. 4.500.- Fjölbreytt framboð Borgarleikhússins má sjá á www.borgarleikhus.is

Að auki fylgja Menningarkorti Reykjavíkur fjölmörg fríðindi í tengslum við menningarstofnanir Reykjavíkurborgar, sjá nánar hér.

----------------------------------------------

MENNINGARKORT REYKJAVÍKUR – LISTILEGA EINFALT

Menningarkort Reykjavíkur er ný og ódýr leið til að njóta menningar borgarinnar. Menningarkortið gildir í Listasafn Reykjavíkur (Hafnarhús, Kjarvalsstaði og Ásmundarsafn), Minjasafn Reykjavíkur (Árbæjarsafn og Landnámssýningu) og fá handhafar þess einnig bókasafnskort í Borgarbókasafn Reykjavíkur.
 

Menningarkortið gildir í ár frá virkjun kortsins, en auk þess að gilda á allar sýningar og viðburði á vegum safnanna, veitir það 10% afslátt á veitingastaði safnanna, safnverslanir og fleira. Verði kortsins er haldið í algjöru lágmarki, en það kostar aðeins kr. 5.500,-
Athugið að frítt er fyrir börn upp að átján ára aldri og eldri borgarar þurfa hvorki að greiða fyrir aðgang að ofangreindum söfnum né fyrir bókasafnskort.

BLÁTT, RAUTT OG GRÆNT KORT
BLÁTT MENNINGARKORT
kostar 5.500 kr. og gildir sem árskort í Listasafn Reykjavíkur, Minjasafn Reykjavíkur og fá handhafar þess einnig bókasafnskort í Borgarbókasafn Reykjavíkur. Kortið gildir einnig sem fríðindakort m.a. í safnverslanir og veitingasölur innan menningarstofnana Reykjavíkurborgar.
RAUTT MENNINGARKORT kostar 3.300 kr. og gildir sem árskort í Listasafn Reykjavíkur. Kortið gildir einnig sem fríðindakort í Listasafnið.
GRÆNT MENNINGARKORT kostar 3.300 kr. og gildir sem árskort í Minjasafn Reykjavíkur. Kortið gildir einnig sem fríðindakort í Minjasafnið.

Kortið er virkjað við afhendingu en gjafakort eru virkjuð við fyrstu notkun.
Hér má nálgast lista yfir sölustaði.

Gríðarlegur sparnaður hlýst af Menningarkortunum, en samkvæmt nýjum samþykktum borgarráðs er aðgangseyrir í hvert og eitt safnhús Listasafns Reykjavíkur, Árbæjarsafn og Landsnámssýninguna kr.1.200 frá og með 1. janúar 2013 kr. 1.200. Verð á bókasafnskorti er kr. 1.700,-

Menningarkortið er hagkvæm leið fyrir alla til að sækja sér metnaðarfulla og innihaldsríka upplifun allan ársins hring.

 

FYRIRTÆKJAPANTANIR

Fyrirtæki geta pantað menningarkort með því að senda tölvupóst á menningarkort@reykjavik.is eða hringt í síma 590-1508. Í tölvupóstinum þarf að koma fram fjöldi korta, tengiliður, kennitala og heimilisfang. Kortin fást í fallegri gjafaöskju sem verða send til viðkomandi fyrirtæki um leið og búið er að ganga frá pöntuninni.




 

 




Menningarkort Reykjavíkur (blátt kort)
Menningarkort Reykjavíkur
5.500 kr.


 

Menningarkort Listasafns Reykjavíkur (rautt kort)
Menningarkort Listasafns Reykjavíkur - 3.300 kr.

 

Menningarkort Minjasafns Reykjavíkur (grænt kort)
Menningarkort Minjasafns Reykjavíkur - 3.300 kr.





Facebook




Flýtileiðir


Breyta um leturstærð/Mínar stillingar


Leit