Flýtileiðir

Leit


Netspjall

Hér er hægt er að fá beint samband við þjónustufulltrúa

Other languages

  • Immigrants
  • Polska
  • English
Styttu þér leið

Fréttir

Vala skal nýja leikskólakerfið heita

12.05.2010

Vala eða völubein var notað í búleikjum barna áður fyrr en bjó einnig yfir þeirri náttúru að geta sagt fyrir um óorðna hluti; Segðu mér nú spákona mín,
það sem ég spyr þig að...

Nýtt upplýsingakerfi leikskólanna í borginni hefur fengið nafnið Vala. Efnt var til samkeppni um heiti á kerfið sem útbúið var í samstarfi við Skýrr. Kerfið sem verið er að innleiða markar tímamót í þjónustu við foreldra og starfsfólk leikskólanna í borginni.

Alls bárust um eitt hundrað tillögur að nafni á kerfið frá þrjátíu og fimm einstaklingum og vinnustöðum. Stýrihópur sem skipaður er tveimur fulltrúum frá Skýrr, tveimur frá Leikskólasviði og tveimur frá Upplýsingatæknimiðstöð borgarinnar fór yfir allar innsendar tillögur og hafði úr mörgum ágætum nöfnum að velja, s.s. Valborg, Vaggan, Vala, Ormur, Sandkassinn og Þambara vambara.

Dómnefndin valdi að lokum heitið Vala á nýja kerfið, en þá tillögu átti Sigrún Björnsdóttir, upplýsingafulltrúi Leikskólasviðs. Nafnið vísar til gamla leikfangsins völunnar og spádómseiginleika hennar, þulna og þess að völ er á mörgum kostum í nýja kerfinu. Það verður allt í senn:

  • Upplýsingakerfi sem heldur utan um vistun og þjónustu fyrir börn og foreldra sem nýta sér þjónustu leikskóla Reykjavíkur, sjálfstætt starfandi leikskóla, dagforeldra eða þiggja þjónustutryggingu.
  • Rafrænt innritunarkerfi
  • Innheimtukerfi
  • Nemendakerfi með upplýsingum um starfsemi leikskóla og tölfræði
  • Rekstrar- og umsýslukerfi
  • Upplýsingakerfi fyrir foreldra um innritun, innheimtu og starf barnsins í skólanum